DRIWO 10-ის ან DRIWO Unlimited-ის შეძენით თქვენ ეთანხმებით ქვემოთ მოცემულ წესებსა და პირობებს.
DRIWO-ის სერვისს მომხმარებლებს სთავაზობს შპს „ქარტეჩ“ (ს/კ: 405722464), რომელიც წარმოადგენს DRIWO-ს სავაჭრო ნიშნისა და მომსახურების ოპერატორს. წინამდებარე წესები და პირობები წარმოადგენს ხელშეკრულებას მომხმარებელსა და შპს „ქარტეჩს“ შორის.
DRIWO მომხმარებელს სთავაზობს 30-დღიანი გამოწერის ორ ტიპს:
გამოწერის 30-დღიანი პერიოდი იწყება შეძენის მომენტიდან.
გამოწერა მიბმულია შეძენისას მითითებულ ავტომობილის სახელმწიფო ნომერზე და მისი სხვა ავტომობილზე ან სხვა პირზე გადაცემა დაუშვებელია.
გამოწერის შეძენისას მომხმარებელი ადასტურებს, რომ:
DRIWO Unlimited-ის მომხმარებელს უფლება აქვს აქტიური გამოწერის პერიოდში გადავიდეს უფრო მაღალი ღირებულების DRIWO Unlimited პაკეტზე. ასეთ შემთხვევაში ახალი გამოწერა აქტიურდება შეძენის მომენტიდან, იწყება ახალი 30-დღიანი პერიოდი, ხოლო მიმდინარე გამოწერა ავტომატურად უქმდება.
მიმდინარე DRIWO Unlimited-ის დარჩენილი, გამოუყენებელი პერიოდის ღირებულება პროპორციულად ჩაითვლება ახალი პაკეტის საფასურში და მომხმარებელი გადაიხდის მხოლოდ სხვაობას. გადასახდელი თანხა მომხმარებელს ეცნობება ცვლილების დადასტურებამდე.
DRIWO 10-ის აქტიური პაკეტის სხვა პაკეტზე შეცვლა, მათ შორის DRIWO Unlimited-ზე გადასვლა დარჩენილი ღირებულების ჩათვლით, შეუძლებელია.
DRIWO 10-ის ფარგლებში 10-ვე რეცხვის გამოყენების ან გამოწერის 30-დღიანი ვადის გასვლის შემდეგ მომხმარებელს შეუძლია შეიძინოს ახალი DRIWO 10 ან DRIWO Unlimited სრული მოქმედი ფასით, მე-4 პუნქტის შესაბამისად. ახალი პაკეტის შეძენის მომენტიდან იწყება ახალი 30-დღიანი პერიოდი. წინა პაკეტის დარჩენილი დღეების ან გამოუყენებელი რეცხვების ღირებულება ახალ პაკეტში არ ჩაითვლება.
DRIWO Unlimited-ის უფრო დაბალი ღირებულების პაკეტზე ან DRIWO 10-ზე გადასვლა შესაძლებელია მხოლოდ მიმდინარე გამოწერის პერიოდის დასრულების შემდეგ. ამისთვის მომხმარებელმა უნდა გააუქმოს ავტომატური განახლება და მიმდინარე პერიოდის დასრულების შემდეგ შეიძინოს სასურველი პაკეტი.
გამოწერის საფასური გადაიხდება წინასწარ, თითოეული 30-დღიანი პერიოდისთვის. მოქმედი ფასი მითითებულია შეძენის პროცესში.
DRIWO 10-ის 10 რეცხვის ვადამდე ამოწურვის შემდეგ ახალი პაკეტის შეძენისას მომხმარებელი იხდის ახალი პაკეტის საფასურს.
გადახდილი თანხა არ ბრუნდება, გარდა კანონმდებლობით განსაზღვრული შემთხვევებისა.
DRIWO 10 და DRIWO Unlimited განკუთვნილია მხოლოდ პირადი მოხმარებისთვის. ორივე ტიპის გამოწერით დაშვებულია მხოლოდ ერთი რეცხვა ერთ კალენდარულ დღეში.
DRIWO 10
10 რეცხვის გამოყენების შემდეგ მომხმარებელს შეუძლია აირჩიოს ერთ-ერთი შემდეგი ვარიანტი:
ახალი DRIWO 10-ის ან DRIWO Unlimited-ის შეძენისას წინა გამოწერა სრულდება. ავტომატური განახლების თარიღი განისაზღვრება ახალი გამოწერის 30-დღიანი პერიოდის დასრულების შესაბამისად.
ახალი პაკეტის შეძენა არ აუქმებს გამოწერით ერთ კალენდარულ დღეში ერთი რეცხვის შეზღუდვას.
DRIWO Unlimited
გამოწერა მოქმედებს მხოლოდ იმ ავტომობილზე, რომლის სახელმწიფო ნომერიც მითითებულია შეძენისას.
ავტომობილის ან სახელმწიფო ნომრის შეცვლა შეუძლებელია. სხვა ავტომობილის გასარეცხად საჭიროა არსებული გამოწერის გაუქმება და ახალი გამოწერის შეძენა.
გამოწერის გაყიდვა, გადაცემა, გაზიარება ან სხვა პირის მიერ გამოყენება აკრძალულია.
DRIWO უფლებამოსილია გააუქმოს გამოწერა ან უარი თქვას მომსახურების გაწევაზე, თუ დადგინდება, რომ მომხმარებელმა დაარღვია წინამდებარე პირობები, მათ შორის თუ ავტომობილი გამოიყენება კომერციული მიზნებისთვის ან ადგილი აქვს გამოწერის არასამართლიან გამოყენებას.
გამოწერა ავტომატურად განახლდება ყოველი 30-დღიანი პერიოდის დასრულებისას, თუ მომხმარებელი არ გააუქმებს ავტომატურ განახლებას.
ავტომატური განახლებისას თანხა ჩამოიჭრება მომხმარებლის მიერ მითითებული გადახდის საშუალებიდან, განახლების მომენტისთვის მოქმედი ფასით, რომლის ცვლილებაც მომხმარებელს წინასწარ ეცნობება მე-10 პუნქტის შესაბამისად.
DRIWO 10-ის ავტომატური განახლებისას იწყება ახალი 30-დღიანი პერიოდი და ხელმისაწვდომი ხდება ახალი 10 რეცხვა.
DRIWO 10-ის ფარგლებში 10 რეცხვის ვადამდე ამოწურვა თავისთავად არ იწვევს ავტომატურ განახლებას ან თანხის ვადამდე ჩამოჭრას.
თუ მომხმარებელი 10 რეცხვის გამოყენების შემდეგ თავად შეიძენს ახალ DRIWO 10-ს ან DRIWO Unlimited-ს, წინა გამოწერის ავტომატური განახლება ჩანაცვლდება ახალი გამოწერის განახლებით. წინა გამოწერის განახლების თარიღზე თანხა აღარ ჩამოიჭრება; შემდეგი ავტომატური განახლება განხორციელდება ახალი 30-დღიანი პერიოდის დასრულებისას.
DRIWO Unlimited-ის უფრო მაღალი ღირებულების პაკეტზე გადასვლის შემთხვევაშიც ავტომატური განახლების თარიღი განისაზღვრება ახალი 30-დღიანი პერიოდის დასრულების შესაბამისად და წინა გამოწერის განახლების თარიღზე თანხა აღარ ჩამოიჭრება.
მომხმარებელს შეუძლია ნებისმიერ დროს გააუქმოს გამოწერის ავტომატური განახლება პირადი კაბინეტიდან.
ავტომატური განახლების გაუქმება არ წყვეტს უკვე გადახდილ მომსახურებას: DRIWO Unlimited მოქმედებს გადახდილი 30-დღიანი პერიოდის დასრულებამდე, ხოლო DRIWO 10 — დარჩენილი რეცხვების გამოყენებამდე ან გადახდილი 30-დღიანი პერიოდის დასრულებამდე, იმის მიხედვით, რომელი დადგება უფრო ადრე.
დარჩენილი პერიოდისთვის ან გამოუყენებელი რეცხვებისთვის თანხის დაბრუნება არ ხდება, გარდა კანონმდებლობით განსაზღვრული შემთხვევებისა.
DRIWO უზრუნველყოფს მომსახურების მაქსიმალურ უწყვეტ ხელმისაწვდომობას დადგენილი სამუშაო საათების ფარგლებში, თუმცა არ აგებს პასუხს ტექნიკურ შეფერხებებზე, ელექტროენერგიის ან ინტერნეტის გათიშვაზე, ფორსმაჟორულ გარემოებებზე, ასევე პროფილაქტიკურ ან სარემონტო სამუშაოებზე.
DRIWO იტოვებს უფლებას დროებით შეაჩეროს მომსახურების მიწოდება ტექნიკური, საოპერაციო ან უსაფრთხოების მიზნებიდან გამომდინარე.
ასევე, DRIWO იტოვებს უფლებას არ იმუშაოს გარკვეულ დღესასწაულებზე, ნალექიანი ამინდის, ძლიერი ქარის ან სხვა გარემოებების დროს, თუ ეს გავლენას ახდენს მომსახურების ხარისხზე, უსაფრთხოებაზე ან ტექნიკურ გამართულობაზე.
DRIWO-ს გამოწერა არ წარმოადგენს მომსახურების მიღების უპირობო გარანტიას ნებისმიერ დროს. მომსახურება ხორციელდება DRIWO-ს შესაბამის ლოკაციებზე მოქმედი სამუშაო რეჟიმისა და ტექნიკური ხელმისაწვდომობის ფარგლებში.
DRIWO უფლებამოსილია ნებისმიერ დროს, მაგრამ წინასწარი შეტყობინებით, შეცვალოს გამოწერის პირობები, ფასები ან პროგრამის დეტალები. ცვლილებები გამოქვეყნდება ვებგვერდზე და ძალაში შევა გამოქვეყნებისას განსაზღვრულ ვადაში.
DRIWO ამუშავებს მომხმარებლის პერსონალურ მონაცემებს, მათ შორის ავტომობილის სახელმწიფო ნომერს, ტელეფონის ნომერსა და გადახდის ინფორმაციას, მხოლოდ მომსახურების გაწევის, გამოწერის მართვის, მომხმარებელთან კომუნიკაციისა და კანონმდებლობით გათვალისწინებული ვალდებულებების შესრულების მიზნით.
მონაცემების დამუშავება ხორციელდება საქართველოს მოქმედი კანონმდებლობის შესაბამისად.
მომსახურების მიმწოდებელია შპს „ქარტეჩ" (DRIWO), ს/კ 405722464.
ელ.ფოსტა: info@driwo.ge
ვებგვერდი: driwo.ge
DRIWO 10-ის ან DRIWO Unlimited-ის შეძენით ადასტურებთ, რომ გაეცანით და ეთანხმებით წინამდებარე წესებსა და პირობებს.
☑️ „ვადასტურებ, რომ გავეცანი DRIWO-ს გამოწერის წესებსა და პირობებს და ვეთანხმები მათ.“